Achraf Hakimi kuburuzwa mahakamani kwa ubakaji

Mahakama ya rufaa ya Ufaransa leo Ijumaa imethibitisha kwamba nyota wa soka wa Morocco na PSG, Achraf Hakimi atakabiliwa na kesi ya madai ya kumbaka mwanamke mwaka 2023, ambayo beki huyo wa Paris Saint-Germain anakanusha.

Muda mfupi baada ya Mahakama ya Rufaa ya Versailles kutoa uamuzi wake, Hakimi aliandika kupitia mtandao wa X kwamba alikuwa “akisubiri kesi hii tangu siku ya kwanza.”

"Mwishowe, nitaweza kuzungumza," alisema.

Mlalamikaji alisema alikutana na Hakimi mnamo Januari 2023 kwenye Instagram na akaenda nyumbani kwake kwa teksi iliyoamriwa na mchezaji, chanzo cha polisi kilisema wakati huo.

Alidai kuwa mchezaji huyo alimbusu, akamgusa bila ridhaa yake na kisha kumbaka.

Alisema alifanikiwa kumsukuma na kumtumia ujumbe rafiki yake, ambaye alikuja kumchukua.

Tarehe rasmi ya kuanza kusikilizwa kwa kesi hiyo bado haijawekwa wazi.