CAF yatangaza tarehe ya CHAN 2024 kufanyika Tanzania

Hatimaye Shirikisho la Soka barani Afrika (CAF) limetangaza tarehe za michuano ya TotalEnergies African Nations Championship (CHAN) 2025 itakayofanyika Tanzania, Kenya na Uganda.

Makamu wa 4 wa Rais wa CAF Seidou Mbombo Njoya, ambaye pia anahudumu kama Mwenyekiti wa kamati ya maandalizi ya Michuano ya Mataifa ya Afrika (CHAN) alitoa tangazo hilo Jumatatu mchana wakati wa mkutano na waandishi wa habari baada ya kikao cha Kamati ya Utendaji ya CAF kwenye Hoteli ya Kempinski jijini Nairobi.

Njoya alithibitisha kuwa CHAN 2025 itafanyika Februari 1-28 nchini Kenya, Uganda na Tanzania. Pia ilithibitishwa kuwa mechi za kufuzu kwa CHAN zitaanza kati ya Oktoba 25-27 na kumalizika Desemba 2024.

Mataifa yanayoshiriki katika CHAN lazima yawe na wachezaji wanaocheza katika mashindano yao ya Ligi za kitaifa.

Dk Patrice Motsepe, Rais wa CAF alisema CHAN katika Kenya, Uganda na Tanzania itakuwa na mafanikio zaidi. "CHAN kwetu ni msingi wa ajabu kwa Kombe la Mataifa ya Afrika," aliongeza Rais.

Dk. Motsepe kwa niaba ya CAF pia alisema alifurahishwa na maendeleo na kujitolea kwa Rais Ruto kwa soka ya Kenya katika suala la mgao wa rasilimali kuelekea utayari wa miundombinu kwa CHAN na AFCON.

Alisisitiza chanya ya Marais wengi wa Afrika kuboresha miundombinu ambayo itasaidia kuendeleza Soka. "Hakuna kitu kinachonikatisha tamaa zaidi ya timu ya taifa kwenda kucheza nje ya nchi yao. Huwezi kujenga Soka wakati timu za taifa haziwezi kucheza mbele ya mashabiki wao,” Rais wa CAF alisema.

Mkutano huo na waandishi wa habari ulihudhuriwa pia na Augustin Senghor (Makamu wa 1 wa Rais wa CAF), Souleiman Hassan Waberi (Makamu wa 3 wa CAF), Seidou Mbombo Njoya (Makamu wa 4 wa CAF), Kanizat Ibrahim (Makamu wa 5 wa CAF), na Katibu Mkuu wa CAF. Veron Mosengo-Omba.