CAS kusikiliza rufaa ya Senegal Oktoba 8 Ubingwa wa AFCON 2025

Mahakama ya Usuluhishi wa Michezo (CAS) itasikiliza rufaa ya Shirikisho la Soka la Senegal dhidi ya CAF na Shirikisho la Soka la Morocco kuhusiana na fainali ya AFCON 2025, siku ya Alhamisi, tarehe 8 Oktoba 2026, katika makao makuu ya CAS mjini Lausanne, Uswisi.

Usikilizaji huo utaanza saa 3:30 asubuhi na unatarajiwa kuendelea hadi mchana.

Usikilizaji huo utafanyika kwa siri, bila vyombo vya habari kuruhusiwa kuingia ndani.

Wawakilishi wa Senegal na Morocco watahudhuria wenyewe, huku CAF ikiwakilishwa na mawakili wake.

Jopo la CAS:
• Profesa Gérald Simon (Ufaransa) – Rais wa Jopo
• Profesa Luigi Fumagalli (Italia)
• Profesa Dkt. Ulrich Haas (Ujerumani)

Shughuli hizo zitaendeshwa kwa lugha ya Kifaransa.

CAS imesema kuwa majadiliano yataanza baada ya usikilizaji kukamilika, lakini uamuzi wa mwisho hautatangazwa siku hiyo.

Hakuna tarehe iliyotolewa bado kwa ajili ya uamuzi huo.

Waandishi wa habari wanaopanga kuripoti kuhusu usikilizaji huo wakiwa nje ya makao makuu ya CAS wanaweza kuwasiliana na media@tas-cas.org wakiwa na kitambulisho halali cha kazi ya uandishi wa habari.