Droni za Ukraine zashambulia bandari ya Urusi

Shambulizi jipya la droni kutoka Ukraine dhidi ya bandari ya Urusi ya Tuapse katika Bahari Nyeusi limesababisha moto katika kituo cha bandari.

Hilo ni shambulizi la nne katika kipindi cha wiki moja, kwa mujibu wa maafisa wa eneo hilo. Bandari ya Tuapse, hususan kituo chake cha mafuta, imekuwa ikilengwa mara kwa mara.
 

Mashambulizi hayo yamevuruga maisha ya kila siku, yakisababisha mamlaka kuwataka wakazi kutochukua maji ya kunywa na kufunga shule.

Ukraine imeongeza mashambulizi ndani ya Urusi katika wiki za karibuni, ikilenga viwanda vya kusafisha mafuta, maghala na bandari. Lengo ni kudhoofisha chanzo kikuu cha fedha cha Moscow kwa ajili ya vita nchini Ukraine, hasa wakati huu ambapo bei za mafuta duniani zimepanda kutokana na vita vya Iran.