Gwiji la soka Mario Zagallo afariki dunia

Gwiji wa soka wa Brazil Mario Zagallo, ambaye alishinda Kombe la Dunia mara nne kama mchezaji na kocha, amefariki akiwa na umri wa miaka 92.
 

Zagallo alikuwa winga katika timu ya taifa ya Brazil iliyoshinda Kombe la Dunia mfululizo mwaka 1958 na 1962, kuanzia fainali zote mbili.

Aliongoza timu inayotambulika na wengi kama timu kubwa zaidi ya kimataifa, ikiwa na wachezaji kama vile Pele, Jairzinho na Carlos Alberto, hadi 1970.
 

Ushindi wa mwisho wa Zagallo wa Kombe la Dunia ulipatikana akiwa kocha msaidizi wa Carlos Alberto Parreira mnamo 1994.
 

Alirejea kama kocha wa Brazil baada ya mchuano huo na kuwaongoza hadi fainali mwaka wa 1998, ambapo walifungwa na wenyeji Ufaransa.

Zagallo alikuwa mtu wa kwanza kushinda Kombe la Dunia akiwa mchezaji na meneja - kazi ambayo tangu wakati huo imekuwa ikilinganishwa na Franz Beckenbauer wa Ujerumani na Didier Deschamps wa Ufaransa.
 

"Kwa huzuni kubwa, tunawatangazia kifo cha bingwa wetu wa milele Mario Jorge Lobo Zagallo," taarifa kwenye akaunti yake rasmi ya Instagram ilisema.