Haji Marekani, labda mtuhakikishie hamtamhukumu kifo!

Mahakama ya nchini Uingereza imetoa uamuzi kuwa muasisi wa tovuti ya kuvujisha nyaraka za siri wa Wikileaks Julian Assange hawezi kuhamishiwa Marekani kwa mashitaka ya ujasusi.    
 

Mahakama ya nchini Uingereza imetoa uamuzi kuwa muasisi wa tovuti ya kuvujisha nyaraka za siri wa Wikileaks Julian Assange hawezi kuhamishiwa Marekani kwa mashitaka ya ujasusi isipokuwa kama maafisa wa Marekani watatoa hakikisho kuwa hatokabiliwa na adhabu ya kifo.
 

Uamuzi huo umempa Assange ushindi wa sehemu katika mapambano yake ya muda mrefu ya kisheria kuhusu uchapishwaji wa nyaraka za siri za Marekani kwenye tovuti hiyo.
 

Majaji wawili wa Mahakama ya Juu Victoria Sharp na Jeremy Johnson wamewapa maafisa wa Marekani wiki tatu kutoa hakikisho zaidi kuhusu kitakachomfanyikia Assange ambaye ni raia wa Australia.
 

Uamuzi huo una maana kuwa sakata hilo la kisheria, ambalo limedumu kwa zaidi ya muongo mmoja, litaendelea na Assange atabaki ndani ya Gereza la Belmarsh la London lenye ulinzi mkali, ambako amekaa kwa miaka mitano iliyopita.
DW