Iran yasema iko tayari kuruhusu meli za Japan kupita Hormuz

Iran iko tayari kusaidia meli za Japani kutumia Mlango-Bahari wa Hormuz, Waziri wa Mambo ya Nje wa Iran Abbas Araghchi ameliambia shirika la habari la Kyodo News katika mahojiano yaliyochapishwa leo Jumamosi.
 

Japan inategemea sana uagizaji wa mafuta ghafi kutoka Mashariki ya Kati, ambayo mengi hupitia Mlango-Bahari wa Hormuz, njia muhimu ya biashara kwa usambazaji wa mafuta duniani.

Iran imezuia ufikiaji wa mlango-bahari huo kutokana na mashambulizi ya Israel na Marekani, na kuziacha nchi zinazotegemea njia hii ya maji zikijitahidi kutafuta njia mbadala na kutumia akiba zao.
 

"Hatujafunga mlango-bahari. Uko wazi," Araghchi alidai katika mahojiano ya simu na shirika la habari la Kyodo News siku ya Ijumaa. Kulingana na Waziri wa Mambo ya Nje wa Iran, nchi zinazoshambulia Iran zinakabiliwa na vikwazo, lakini zingine zinapewa msaada.
 

RFI