Kenya kuwarejesha nyumbani raia wake wanaoishi nchi za ghuba

Nchini Kenya, Wizara ya Mambo ya Nje imeomba Bungeni kutolewa kwa shilingi milioni 400 sawa na zaidi ya euro milioni 2.5 - ili kuwezesha zoezi la kuwarejesha nyumbani raia wa Kenya waliokwama katika nchi za Ghuba na Iran kutokana na vita vinavyoendelea Mashariki ya Kati.

Wakenya wengi wameenda Mashariki ya Kati ya Iran kufanya kazi kama madereva, vibarua, au wafanyakazi wa nyumbani.

"Lazima tufahamu mapungufu yetu!" Ingawa operesheni hiyo itakuwa kubwa, pia ina hatari na ghali sana, jambo ambalo linasababisha wasiwasi mkubwa miongoni mwa wapinzani. "Hatuna pesa za kufanya hivi: hata Marekani haijawarudisha raia wake makwao, wamesema hivyo hadharani. Kwa hivyo ikiwa hawawezi kumudu, Kenya inawezaje? Tunahitaji kujua mapungufu yetu!" ameeleza Mbunge wa Kamukunji, Yussuf Hassan Abdi.
 

"Bila shaka, kutokana na idadi yao na hali ya usafiri, kuwarudisha raia wetu ni ghali, ndiyo maana tumeweka vigezo vya kipaumbele: kwanza watoto, familia zao, na wagonjwa," amesema Helen Gichuhi ofisa wa wizara ya mambo ya Nje.