Kumuona Feisal Salum dhidi ya KMKM Chamazi ni bure.

Klabu ya Azam Fc imewatangazia rasmi mashabiki wa soka Nchini kuwa mchezo wao ujao wa Kombe la Shirikisho Afrika dhidi ya KMKM siku ya ijumaa hautakuwa na kiingilio upande wa jukwaa la mzunguko.

"Habari njema kwa mashabiki wa soka! Tunapenda kuwataarifu kuwa hakutakuwa na kiingilio kwa majukwaa ya mzunguko kwenye mechi yetu ya Kombe la Shirikisho Afrika dhidi ya KMKM".

“Ofa hiyo haitahusisha majukwaa yote ya watu maalum (V.I.P), ambapo tutatoa kadi maalum kwa watu wote watakaoingia kwenye eneo la majukwaa hayo”.Imesema taarifa ya Azam Fc.