Liam Delap atamani kuichezea Man United badala ya Chelsea

TalkSport imeripoti kuwa mshambuliaji wa Ipswich Town, Liam Delap angependelea zaidi kuhamia Manchester United badala ya Chelsea.

Man United na Chelsea ni miongoni mwa timu zilizoonyesha nia ya kutaka kumsajili mchezaji huyo wa kimataifa wa Uingereza mwenye umri wa miaka 22 lakini Man U anapewa nafasi kubwa zaidi kuipata saini yake.

Fowadi huyo wa Ipswich amefunga mabao 12 katika mechi 35 za Ligi Kuu ya Uingereza.

Kifungu cha kuachiliwa kwa Delap kwasasa ni pauni milioni 30 kufuatia klabu hiyo kushuka daraja.