Mashambulizi yaua wanajeshi 2 wa Afrika Kusini nchini Kongo

Mashambulizi katika eneo la mashariki mwa Jamhuri ya Kidemokrasia ya Kongo yamesababisha vifo vya wanajeshi wawili wa Afrika Kusini na kuwajeruhi wengine 20, hii ikiwa ni kulingana na jeshi Jumatano. 

Jeshi la Ulinzi la Kitaifa la Afrika Kusini lilisema moja ya kambi zake ilishambuliwa siku ya Jumanne katika mji wa Sake, ulioko kilomita 25 magharibi mwa Goma katika jimbo lenye utulivu la Kivu Kaskazini. 

Jeshi hilo limesema wanajeshi wake wanne waliojeruhiwa vibaya wamelazwa hospitalini, huku wengine waliopata majeraha madogo wakitarajiwa kuruhusiwa hivi karibuni.

Afrika Kusini ilipeleka wanajeshi 2,900 mashariki mwa Kongo katikati mwa Disemba.

DW imeripoti kuwa wanajeshi hao ni sehemu ya kikosi cha Jumuiya ya Maendeleo Kusini mwa Afrika, SADC, wanaioisaidia serikali kukomesha uasi.