Mchezaji Mkongwe Japan asaini mkataba mpya Japan.

Mshambuliaji wa Japani Kazuyoshi Miura, mchezaji mzee zaidi wa mpira wa miguu duniani, amesaini mkataba wa mwaka mmoja na klabu ya Ligi Daraja la Tatu ya Fukushima United FC.

Miura bado anaendelea vizuri akiwa na umri wa miaka 58 na anatarajiwa kuanza mkopo wake wa nne katika miaka mingi akitokea klabu ya Yokohama FC.

Atatimiza miaka 59 mwezi Februari, mwezi mmoja tangu aanze kutumikia timu hiyo ya Fukushima.
 

Akijulikana kama "King Kazu" huko Japani, Miura pia amefurahia maisha ya soka Australia na Ulaya katika taaluma yake akichezea Genoa na Dinamo Zagreb.
 

Alianza kusakata kabumbu Santos na kisha Palmeiras katika Serie A ya Brazil mwaka wa 1986, mwaka ambao kiungo wa zamani wa Liverpool James Milner alizaliwa.
 

"Nimefurahi kutangaza uhamisho wangu kwenda Fukushima United FC, nikianza changamoto mpya," alisema.
Shauku yangu kwa soka haitabadilika kamwe, hata nitakapokuwa mkubwa. Ninashukuru sana kwa fursa ya kucheza Fukushima, na ninatarajia kushindana kwa shauku kama mmoja wa familia Fukushima United FC. Tujenge historia mpya pamoja!.