Mikel Arteta afunguka kuongeza mkataba mpya Arsenal.

Mikel Arteta amesema anaweza kuongeza mkataba wake wa Arsenal zaidi ya 2027 lakini  bado anapaswa kupata haki ya kuendelea kama kocha kwa kushinda mataji katika klabu hiyo ya Ligi Kuu nchini Uingereza.

Arteta, ambaye anakamilisha miaka sita akiwa kocha wa Arsenal siku ya Jumamosi, alishinda Kombe la FA akiwa na klabu hiyo ya Kaskazini mwa London mwaka 2020 lakini bado hajafanikiwa katika ligi, huku timu yake ikimaliza katika nafasi ya pili katika misimu mitatu iliyopita.
Kwa sasa wako mbele kwa pointi mbili msimu huu na pia wamefika robo fainali ya Kombe la Ligi.

Alipoulizwa kama angeweza kujiona akiongeza muda wake wa kukaa zaidi ya mwisho wa mkataba wake mwaka 2027, Arteta aliwaambia waandishi wa habari Ijumaa: "Ndiyo, lakini ni kuhusu leo. Na mambo mengi yanapaswa kutokea katika miezi michache ijayo ili kupata kinachostahili.

"Nadhani meneja lazima apate haki ya kuwa hapa kesho. Mambo mengi yanapaswa kutokea katika miezi michache ijayo ili kupata kinachostahili (kwa ajili ya kuongeza mkataba)." Alisema Arteta.