Mkoba wa Messi wazua gumzo kwa mashabiki wa soka duniani

Nguli wa soka ulimwenguni, Lionel Messi, amezua gumzo kubwa mtandaoni baada ya kuwasili kwenye uwanja wa mazoezi wa Inter Miami akiwa amebeba mkoba maalum wa ngozi uliochorwa nembo za klabu nne tofauti zilizoweka alama kwenye maisha yake ya soka.

Mkoba huo, ambao pia hutumiwa na wachezaji wengi wa Amerika Kusini kubebea vifaa vya kunywea chai maarufu kama 'Mate', umebeba nembo za timu zifuatazo:

Argentina: 
Timu yake ya taifa ambayo ameisaidia kutwaa ubingwa wa Kombe la Dunia na Copa América, ikimfanya kuwa nguli wa kihistoria.

Barcelona: 
Klabu ya ndoto zake ambapo alicheza tangu akiwa mtoto na kushinda mataji yote makubwa ngazi ya klabu pamoja na tuzo za Ballon d'Or.

Newell’s Old Boys: 
Klabu ya utotoni nchini Argentina alipoanzia soka kabla ya kuelekea barani Ulaya kujiunga na akademia ya La Masia.

Inter Miami CF: 
Klabu yake ya sasa nchini Marekani ambako anaendelea kufurahia miaka ya mwisho ya uchezaji wake wa soka la kulipwa.

Mashabiki wengi wameutaja mkoba huo kama "kitabu cha historia ya maisha ya Messi" kilichobeba sura zote muhimu kuanzia utoto wake, klabu iliyomlea, nchi inayomfanya ajivunie, na sehemu anayohitimishia safari yake ya soka.