Mlipuko kwenye mgodi wa makaa ya mawe waua watu 82 China

Mlipuko wa gesi kwenye mgodi wa makaa ya mawe katika jimbo la kaskazini mwa China la Shanxi umeua watu wasiopungua 82 na makumi ya watu kukwama chini ya ardhi, vyombo vya habari vya serikali vimeripoti leo Jumamosi Mei 23, 2026. 

Shirika la habari la serikali la Xinhua limesema ajali hiyo katika mgodi wa makaa ya mawe wa Liushenyu jijini Changzhi ilitokea Ijumaa jioni na wafanyakazi 247 wamenaswa chini ya ardhi.

Chanzo cha mlipuko huo kinachunguzwa, Xinhua imeripoti, na kazi ya uokoaji inaendelea.

Rais wa China Xi Jinping ametoa wito wa juhudi zote za kuwaokoa waliotoweka na uchunguzi wa chanzo cha ajali hiyo huku wale waliohusika wakiwajibisha, kulingana na Xinhua.
 

Mkoa wa Shanxi unajulikana kama mkoa mkuu wa uchimbaji wa makaa ya mawe nchini China. Ukiwa na ukubwa kuliko Ugiriki na wakazi milioni 34, wachimbaji mamia ya maelfu wa mkoa huo walichimba tani bilioni 1.3 (tani bilioni 1.17) za makaa ya mawe mwaka jana, au karibu theluthi moja ya jumla ya China.