Nguli wa filamu Duniani Chuck Norris afariki Dunia.

Mwigizaji maarufu wa filamu Chuck Norris amefariki dunia baada ya kulazwa hospitalini huko Hawaii kufuatia dharura ya kiafya aliyoipata.

Familia ya Nguli huyo wa Filamu Duniani imethibitisha siku ya leo kuwa gwiji huyo mwenye umri wa miaka 86 alifariki Alhamisi asubuhi katika kisiwa cha Kauai huko Hawaii.

“Tunajua wengi wenu mmesikia kuhusu kulazwa kwake hivi karibuni, na tunashukuru sana kwa maombi na msaada mliomtupatia, Tunapoomboleza msiba huu, tunaomba kwa heshima mtupatie faragha familia yetu katika kipindi hiki.”

Dharura hiyo ilitokea wiki moja baada ya siku yake ya kuzaliwa, ambapo Norris aliweka video kwenye mitandao ya kijamii akionyesha akifanya mazoezi ya kupigana na mkufunzi wa mazoezi ya mwili.

“Hakuna kitu kama mazoezi ya kufurahisha siku yenye jua kinachokufanya ujisikie kijana,” Norris alisema katika maelezo ya video hiyo. “Ninashukuru kwa mwaka mwingine, afya njema na nafasi ya kuendelea kufanya ninachopenda. Asanteni nyote kwa kuwa mashabiki bora zaidi duniani. Msaada wenu kwa miaka yote una maana kubwa kuliko mnavyoweza kufikiria.”

Muigizaji huyu anayejulikana duniani alianza kupata umaarufu Hollywood wakati Bruce Lee alipomwalika kucheza nafasi ya mmoja wa wahalifu wakuu katika filamu ya mwaka 1972 ‘The Way of the Dragon’. 

Muda mfupi baadaye, akawa nyota wa kimataifa wa filamu za mapigano, akicheza nafasi kuu katika filamu nyingi katika miaka ya 1980 kabla ya kuigiza katika kipindi maarufu cha muda mrefu Walker, Texas Ranger na umaarufu wake kuongezeka tena katika miaka ya 2000, wakati “Chuck Norris facts”