Real Madrid yapata pigo kuelekea mechi dhidi ya Barcelona.

Wachezaji wawili wa Real Madrid Kiungo Eduardo Camavinga na David Alaba wanatarajia kukosa mchezo wa Fainali wa Copa del Rey dhidi ya Barcelona siku ya jumamosi ya April 26,2025.

Nyota hao wamepata majeraha ya misuli kwenye ushindi wa goli 1-0 walioupata Real Madrid usiku wa jana dhidi ya Getafe kwenye mchezo wa ligi kuu Hispania Laliga.

Kocha Mkuu wa Real Madrid Carlo Ancelotti amethibitisha kuwa wachezaji wao hawatakuwa sehemu ya kikosi kitakachoshuka dimbani siku ya jumamosi kupambania ubingwa wa Copa del Rey dhidi ya wapinzani wao wakubwa.