Romania waanza kutumia kadi nyeusi kwenye soka

Soka la Romania linajaribu njia mpya ya kukabiliana na mojawapo ya changamoto sugu zaidi katika mchezo huo: matusi na lugha ya dharau kutoka kwa mashabiki viwanjani.

Shirikisho la soka la nchi hiyo limeanzisha matumizi ya kadi nyeusi inayowawezesha waamuzi kuingilia kati pale mashabiki wanapoonyesha tabia za kibaguzi, huku mechi zikiwa katika hatari ya kusimamishwa kabisa iwapo tabia hiyo itaendelea.