Ronaldo aendelea kutesa duniani, amzidi Messi mapato mara mbili

Ushindani wa miaka mingi kati ya magwiji wa soka duniani, Cristiano Ronaldo na Lionel Messi, umechukua sura mpya, safari hii si uwanjani bali kwenye akaunti zao za benki. Ripoti mpya ya kifedha kutoka jarida maarufu la Forbes imethibitisha kuwa makadirio ya mapato ya Ronaldo sasa yanazidi mara mbili ya yale ya nahodha wa Inter Miami, Lionel Messi.
 

Kulingana na mchanganuo wa Forbes kuhusu wachezaji soka wanaolipwa fedha nyingi zaidi duniani kwa mwaka huu, Ronaldo, anayekipiga katika klabu ya Al Nassr ya Saudi Arabia, anaongoza orodha hiyo kwa kuingiza jumla ya dola milioni 300 (takriban shilingi bilioni 830 za Kitanzania).

Kwa upande mwingine, mpinzani wake wa karibu, Lionel Messi, anashika nafasi ya pili akiwa na jumla ya mapato ya dola milioni 145 (takriban shilingi bilioni 400 za Kitanzania), kiwango ambacho ni chini ya nusu ya anachoingiza Ronaldo.
 

Licha ya wachezaji wote wawili kuelekea ukingoni mwa taaluma zao za soka wakicheza nje ya Ulaya, uwezo wao wa kutengeneza fedha unaendelea kuvunja rekodi na kuwaacha mbali wachezaji wa kizazi kipya.

HII HAPA LISTI YA WACHEZAJI SOKA 10 WANAOLIPWA ZAIDI DUNIANI KWA MWAKA 2026;
 

𝟭.🇵🇹 Cristiano Ronaldo — 𝗨𝗦𝗗 $𝟯𝟬𝟬𝗠
𝟮. 🇦🇷 Lionel Messi — 𝗨𝗦𝗗 $𝟭𝟰𝟱𝗠
𝟯. 🇫🇷 Kylian Mbappé — 𝗨𝗦𝗗 $𝟭𝟬𝟬𝗠
𝟰. 🇳🇴 Erling Haaland — 𝗨𝗦𝗗 $𝟴𝟱𝗠
𝟱. 🇧🇷 Vinícius Júnior — 𝗨𝗦𝗗 $𝟳𝟲𝗠
𝟲. 🇪🇸 Lamine Yamal — 𝗨𝗦𝗗 $𝟱𝟱𝗠
𝟳. 🇸🇳 Sadio Mané — 𝗨𝗦𝗗 $𝟱𝟰𝗠
𝟴. 🏴󠁧󠁢󠁥󠁮󠁧󠁿 Jude Bellingham — 𝗨𝗦𝗗 $𝟰𝟱𝗠
𝟵. 🏴󠁧󠁢󠁥󠁮󠁧󠁿 Harry Kane — 𝗨𝗦𝗗 $𝟰𝟮𝗠
𝟭𝟬. 🇪🇬 Mohamed Salah — 𝗨𝗦𝗗 $𝟰𝟬𝗠