Scholes; Man City waadhibiwe kama Everton na Forest

Kiungo wa zamani wa Uingereza na Manchester United Paul Scholes anaamini kwamba adhabu ya Manchester City inapaswa kuwa sawa na adhabu zilizotolewa kwa timu kama Nottingham Forest na Everton ikiwa watapatikana na hatia ya uvunjaji wa sheria za kifedha.

Mabingwa hao waliotawala Premier League kwa misimu ya hivi karibuni wanashtakiwa na Premier League kwa uvunjaji wa mara nyingi wa kanuni zao za kifedha, pamoja na kushindwa kutoa ushirikiano kwa wakaguzi kwenye uchunguzi uliofuata.

Inadaiwa kuwa wameshtakiwa kwa makosa zaidi ya 130 (awali 115) ulianza katika kipindi cha miaka tisa kati ya 2009 na 2018, na ulifichuliwa kwa mara ya kwanza na ligi katika taarifa ya Februari 2023.

Ikiwa City itapatikana na hatia katika baadhi ya mashtaka mazito zaidi, wanaweza kupokea adhabu kubwa za kifedha, kupunguzwa kwa pointi au hata kushushwa daraja.

Msimu uliopita, Forest na Toffees wote walipewa punguzo la pointi nne na sita mtawalia baada ya kukiuka sheria za Ligi za Faida na Uendelevu na Scholes anafikiri City inapaswa kukabiliwa na adhabu sawa ikiwa itahukumiwa kuwa imevunja sheria za kifedha.

"Ni ngumu kusema ni adhabu gani itakuwa ya haki kwa Manchester City ikiwa watapatikana na hatia - mradi tu iwe ya haki," alisema Scholes, ambaye alikuwa akizungumza kwenye Mjadala wa Mashabiki wa The Overlap.

"Nottingham Forest na Everton wamekuwa na adhabu pia, kwa hivyo mradi tu iwe katika mstari wa haki hiyo. Sisemi lazima iwe sawa na ya Everton na Forest, lakini nadhani itakuwa pointi."