Timu zingine mwiko kuvaa soksi nyeupe Darajani

Wiki hii, Machi 10,2026 Chelsea FC waliadhimisha kutimiza miaka 121 tangu kuanzishwa kwa klabu hiyo, iliyozaliwa tarehe 10 Machi 1905 katika pub moja jijini London iliyojulikana kama The Rising Sun, ambayo kwa sasa inaitwa The Butcher’s Hook.

Katika historia ya klabu hiyo pia kuna utamaduni wa kipekee unaohusiana na sare zao wanapocheza nyumbani katika dimba la Stamford Bridge.

Soksi nyeupe zimekuwa sehemu ya utambulisho wa Chelsea tangu katikati ya miaka ya 1960, wakati aliyekuwa kocha wa timu hiyo Tommy Docherty alipobadilisha muonekano wa kikosi kwa kuunganisha jezi ya bluu, kaptura ya bluu na soksi nyeupe. Muonekano huo uliibuka kuwa alama maarufu ya klabu hiyo.

Kutokana na utambulisho huo, timu zinazotembelea Stamford Bridge haziruhusiwi kuvaa soksi nyeupe wanapocheza dhidi ya Chelsea nyumbani. 𝐄𝐧𝐝𝐚𝐩𝐨 𝐬𝐚𝐫𝐞 𝐲𝐚𝐨 𝐢𝐧𝐚 𝐬𝐨𝐤𝐬𝐢 𝐡𝐢𝐳𝐨, 𝐡𝐮𝐥𝐚𝐳𝐢𝐦𝐢𝐤𝐚 𝐤𝐮𝐛𝐚𝐝𝐢𝐥𝐢𝐬𝐡𝐚 𝐤𝐚𝐛𝐥𝐚 𝐲𝐚 𝐤𝐮𝐚𝐧𝐳𝐚 𝐤𝐰𝐚 𝐦𝐜𝐡𝐞𝐳𝐨.

Ingawa inaweza kuonekana kama sheria ya ajabu, sababu yake ni ya kiufundi zaidi, kwani kanuni za matangazo ya televisheni zinahitaji timu mbili uwanjani zitofautishwe kwa urahisi ili watazamaji waweze kuzitambua bila shida wakati wa mchezo.