Umtiti awavaa wanaoshinda tuzo bila timu zao kuwa na mataji

Aliyekuwa beki wa Ufaransa na Barcelona Samuel Umtiti amekosoa mchakato wa upigaji kura wa tuzo ya Ballon d’Or na umuhimu ambao wachezaji huipa tuzo hiyo.

“Wanamjumuisha Julián Quiñones, lakini alifanya nini kwenye Kombe la Dunia? Mabao manne akiwa na Mexico na kutolewa katika hatua ya 16 bora? Nilipoona hivyo, nilijiuliza kama ilikuwa ni 𝐯𝐢𝐜𝐡𝐞𝐤𝐞𝐬𝐡𝐨.”

“Kuna upendeleo mkubwa katika soka, ambalo ni mchezo wa timu. Watu wanawaza sana kuhusu 𝐤𝐮𝐬𝐡𝐢𝐧𝐝𝐚 𝐁𝐚𝐥𝐥𝐨𝐧 𝐝’𝐎𝐫 kuliko mafanikio ya pamoja.”

“Unaweza kushinda Ligi ya Mabingwa na timu yako lakini ukawaza kuhusu wewe mwenyewe tu. Tuzungumzie takwimu wakati mwingine, kwa sababu hazitoshi. Soka 𝐬𝐢 𝐬𝐮𝐥𝐚𝐥𝐚 𝐥𝐚 𝐭𝐚𝐤𝐰𝐢𝐦𝐮 𝐩𝐞𝐤𝐞𝐞.”

“Tangu enzi za Messi na Ronaldo, hata siifuatilii tena tuzo hiyo. Walikuwa na takwimu za ajabu, na hata kama hawakushinda taji kubwa, haikuwa na maana kubwa kwa sababu msimu wao ulikuwa wa kipekee.”

“Siku hizi, hakuna mchezaji mmoja mahiri anayewazidi wengine kwa kiasi kikubwa,” Umtiti aliliambia shirika la RMC Sport.