Viongozi wa UEFA wamuunga mkono Rais wa PSG kugombea Urais FIFA

Kwa mujibu wa ripoti ya talkSPORT, vyama kadhaa wanachama wa UEFA vinamtaka rais wa Paris Saint-Germain, Nasser Al-Khelaifi, kuzingatia kuwania urais wa FIFA ili kuchukua nafasi ya Gianni Infantino.

Chombo hicho cha habari cha Uingereza kiliripoti kuwa kuna wito unaoongezeka katika soka la Ulaya wa kusimamisha mgombea wa kupambana na Infantino, ambaye mwezi Aprili alithibitisha nia yake ya kuwania muhula wa tatu kama rais wa FIFA katika uchaguzi wa rais wa shirikisho hilo utakaofanyika Novemba 18 jijini Rabat, Morocco.

Kwa mujibu wa talkSPORT, rais wa UEFA, Aleksander Ceferin, anatazamwa kama mpinzani mwenye nguvu zaidi anayeweza kujitokeza, lakini anatarajiwa kuwania muhula mwingine UEFA badala ya kuingia katika kinyang'anyiro cha FIFA.