Waziri mkuu wa Ethiopia amjia juu Trump

Waziri Mkuu wa Ethiopia Abiy Ahmed amekanusha vikali madai ya aliyekuwa Rais wa Marekani Donald Trump kwamba Marekani ilifadhili mradi wa bwawa kubwa la Ethiopia.

Bwawa hilo lililogharimu takriban dola bilioni 5 na ni mradi mkubwa zaidi wa kuzalisha umeme kwa maji barani Afrika, lilijengwa kwenye Mto Blue Nile na limekuwa ishara ya fahari ya taifa na kujifadhili kwa Ethiopia.

Mamlaka ya Ethiopia inasema mradi huo ulifadhiliwa kupitia rasilimali za ndani, ikiwa ni pamoja na michango ya umma na ufadhili wa serikali, na kusisitiza kuwa hakuna mikopo ya nje au msaada wa kifedha uliotumika.

Abiy Ahmed alisema kuwa madai ya ufadhili wa Marekani si sahihi, akisisitiza kuwa Ethiopia ilifadhili mradi huo kwa kujitegemea kama sehemu ya mkakati wake wa maendeleo na nishati ya muda mrefu.