Yamal ni bora kuliko Messi alipokuwa na miaka 17 - Van Bommel

Kiungo wa kati wa zamani wa Bayern Munich, mholanzi Mark van Bommel, ameweka wazi kwamba Lamine Yamal wa Barcelona ni bora kuliko Lionel Messi wa Inter Miami wakati nahodha huyo wa Argentina alipokuwa na umri wa miaka 17. 

Akizungumza na Voetbalzone, Mholanzi huyo mwenye umri wa miaka 48 pia alikiri kwamba Yamal atalazimika kufunga angalau mabao 30 kila msimu ili kumfikia nahodha huyo wa Argentina. Mashabiki wengi wa soka na wachambuzi wamemlinganisha Yamal na Messi katika siku za hivi karibuni. 

Wengine wanaamini Yamal ni bora kuliko Messi wakati nyota huyo wa zamani wa Paris Saint-Germain alipokuwa na umri wa miaka 17, huku wengine wakiamini vinginevyo. 

"Wakati Lionel Messi alipojiunga na kikosi cha kwanza cha Barcelona hapo mwanzo, hakucheza mechi nyingi zaidi ikilinganishwa na Lamine Yamal sasa," Van Bommel alisema. "Kwa hivyo ukilinganisha Messi na Yamal katika umri huo [17], Yamal ni bora. "Messi amekuwa katika kiwango hiki kwa miaka ishirini na hilo ni jambo la kipekee. "Ikiwa Yamal anataka kufikia malengo ya Messi katika maisha yake ya soka, atalazimika kufunga mabao 500 zaidi. Hiyo ni takriban 30 kwa msimu." Nyota huyo wa zamani wa AC Milan aliongeza, "Yamal sio bora zaidi duniani, lakini yuko njiani."