Yaya Toure aweka rekodi kocha wa kwanza UEFA

Aliyekuwa kiungo nyota wa timu ya taifa ya Ivory Coast na klabu ya Manchester City, Yaya Toure, ameweka historia katika soka la Afrika baada ya kuwa kocha wa kwanza mzaliwa wa Afrika kuiongoza timu katika mchezo wa UEFA Champions League.

Toure alipata nafasi hiyo akiwa kwenye benchi la ufundi la Slovan Bratislava katika mchezo dhidi ya Paris Saint-Germain (PSG), katika kampeni ya Ligi ya Mabingwa Ulaya.

Tukio hilo limekuwa la kipekee kwa soka la Afrika, kutokana na Toure kuingia kwenye rekodi kama mmoja wa makocha wenye asili ya Afrika kufikisha hatua hiyo kwenye mashindano makubwa zaidi ya klabu barani Ulaya.

Toure, ambaye aling’ara kwa miaka kadhaa akiwa mchezaji wa Manchester City na Ivory Coast, sasa anaendelea kujenga ukurasa mpya katika maisha yake ya ukocha baada ya kuanza kujihusisha zaidi na benchi la ufundi.

Hatua hiyo imeongeza heshima kwa jina lake na pia imefungua ukurasa mwingine kwa makocha kutoka Afrika katika soka la kimataifa.