Zimwi la majeraha bado linamuandama Kylian Mbappe.

Mshambuliaji wa Real Madrid Kylian Mbappe siku ya Jana alipata majeraha kwenye mchezo wao dhidi ya Real Betis na kulazimika kutoka nje akishindwa kuendelea na mchezo. 

Nyota huyo amepata changamoto kwenye misuli ya nyuma ya paja ya mguu wake wa kushoto na taarifa zinasema kuwa atakuwa nje ya uwanja kwa siku kadhaa huku Real Madrid wataangalia kama ataweza kurejea uwanjani ndani ya wiki ijayo.

Real Madrid wanatarajia kushuka dimbani wiki ijayo Mei 3 kwenye mchezo wa ligi dhidi ya Espanyol kabla ya mchezo unaofuata kwenye El Clasico dhidi Barcelona.