bottom

side-square-one

side-square-two

side-tall

<img src="https://images-pmtv.nyc3.digitaloceanspaces.com/images/v1/17302d83-c675-4e12-b11e-d0bb995099c1.jpg">&nbsp;Wanasayansi wameunda upya kidijitali uso wa mmoja wa wanafamilia wa kwanza kabisa wa spishi yetu, wakitoa taswira ya jinsi mwanadamu anavyoweza kuonekana yapata miaka 315,000 iliyopita.&nbsp;Ujenzi huo unategemea mabaki ya visukuku vilivyogunduliwa huko Jebel Irhoud nchini Moroko, ambavyo ni miongoni mwa visukuku vya zamani zaidi vya Homo sapiens vinavyojulikana. Watafiti waliunda fuvu la mchanganyiko la 3D, hasa kwa kutumia sampuli ya Irhoud 1, na kutumia mbinu za ukadiriaji wa uso wa kisayansi ili kuunda upya uso.&nbsp;Utafiti huo ulitoa toleo la kisayansi la kijivu na toleo la kweli zaidi lenye ngozi, nywele na ndevu. Hata hivyo, maelezo haya ya kuona ni makadirio ya kisanii kwa sababu visukuku haviwezi kufichua sifa halisi za ngozi au nywele za mtu huyo.Chanzo: Urithi

Hii ndiyo sura ya binadamu wa kwanza

<img src="https://images-pmtv.nyc3.digitaloceanspaces.com/images/v1/fb7c3d05-0ec8-4a14-97bf-35cd90889666.jpg">Mtazamo wa muda mrefu wa kijamii kwamba ni lazima uwe kwenye mahusiano ya kimapenzi au ndoa ili uweze kupata furaha ya kweli, sasa umepingwa rasmi na sayansi. Utafiti mpya wa kisaikolojia umebaini kuwa watu wasio na wapenzi (ma-single) wana uwezo mkubwa wa kuishi maisha yenye amani, furaha, na mafanikio makubwa kuliko inavyofikiriwa.&nbsp;Utafiti huo wa hivi karibuni uliochapishwa katika jarida mashuhuri la kisayansi la Personality and Social Psychology Bulletin, umebaini kuwa siri ya furaha kwa watu wasio na wapenzi haitokani na kutengwa, bali inategemea jinsi mtu anavyoichukulia hali yake ya useja. &nbsp;Watafiti kutoka Chuo Kikuu cha Simon Fraser wamegundua dhana inayoitwa "Singlehood Self-Expansion" (Kujikuza Binafsi wakati wa Useja).Watu wanaofanikiwa kuwa na furaha wakiwa peke yao ni wale wanaochukulia kipindi hicho kama fursa adhimu ya kujiendeleza kimaisha, kusoma, kujenga biashara, na kujifunza ujuzi mpya.&nbsp;"Watu wanaotumia muda wao wa useja kujijenga wameripotiwa kuwa na viwango vya juu sana vya kuridhika na maisha, na hawana kabisa hofu ya kubaki peke yao," unaeleza utafiti huo.&nbsp;Faida kuu tatu walizonazo watu wasio na wapenzi:&nbsp;UHURU MKUBWA WA MAAMUZI:Watu walio single wana uwezo mkubwa wa kujiongoza na kufanya maamuzi ya maisha bila shinikizo au uhitaji wa kuridhisha upande mwingine.&nbsp;UKARIBU MKUBWA WA KIJAMII:Tofauti na dhana kwamba ma-single wanajihisi wapweke, utafiti unaonyesha wana mitandao imara zaidi ya marafiki, ndugu, na wafanyakazi wenzao. Hupata usaidizi mkubwa wa kihisia kutoka kwa watu hawa kuliko walio kwenye mahusiano ambao mara nyingi hujitenga.&nbsp;AFYA BORA YA AKILI:Wataalamu wa saikolojia wanasisitiza kuwa peke yako ni salama zaidi kiakili kuliko kuwa kwenye mahusiano yenye migogoro. Takwimu zinaonyesha takribani 25% ya watu walio kwenye mahusiano bado wanajihisi wapweke sana.&nbsp;Wataalamu wa afya ya akili wanashauri jamii kuacha kuwatazama watu wasio na wapenzi kama watu waliokosa bahati au wenye upungufu. Badala yake, useja unapaswa kutazamwa kama mfumo sahihi na mzuri wa maisha unaomruhusu mtu kuwa na amani ya ndani na kufikia malengo yake bila vikwazo vya kihisia.&nbsp;Furaha ya kweli haitengenezwi na mtu mwingine, bali inaanza na jinsi unavyojithamini na kupanga maisha yako—iwe una mpenzi au hauna.

Huna mpenzi? Jipigie makofi, wewe una furaha zaidi  - Utafiti

<img src="https://images-pmtv.nyc3.digitaloceanspaces.com/images/v1/d686a565-12f7-4c9e-9951-5da947eb1775.jpg">Katika jamii nyingi za Kiafrika, suala la mwanamke kubeba ujauzito kwa niaba ya mtu mwingine (surrogacy) bado ni geni na limegubikwa na usiri mkubwa. Hata hivyo, mwanamke mmoja nchini Kenya aitwaye Lorna Fidelia, aliamua kuvunja ukimya huo na kushirikisha ulimwengu safari yake ya kipekee kama mama mbeba ujauzito wa kukodi.&nbsp;Uamuzi Lorna kuingia kwenye kazi ya kubeba ujauzito wa wengine ulisukumwa na mambo makuu mawili:&nbsp;1. Kusaidia familia zinazohangaika na changamoto ya ugumba kupata watoto.2. Kupata msaada wa kifedha utakaomsaidia kukidhi mahitaji ya kimsingi na kusomesha watoto wake. &nbsp;Mchakato wa Lorna ulianza katika kliniki ya Nairobi IVF. Kwa mujibu wa mkataba wao wa awali na wazazi walengwa, makubaliano yalikuwa ni Lorna kubeba mtoto mmoja tu. Hata hivyo, viinitete (embryos) vilivyopandikizwa mwilini mwake vilishika kwa mafanikio makubwa na kujigawa, jambo lililopelekea kupata ujauzito wa watoto watatu (mapacha watatu). Licha ya mshtuko na ugumu wa kubeba mimba ya aina hiyo, Lorna alihimili changamoto zote za kiafya hadi siku ya kujifungua. &nbsp;Safari ya Lornahata hivyo iliibua mijadala mikubwa kuhusu muongozo za surrogacy nchini Kenya kwani mkataba wao wa awali haukujumuisha kipengele cha Lorna kunyonyesha watoto baada ya kuzaliwa. Lakini kwa sababu watoto walizaliwa kabla ya muda wao (njiti - wiki 34) na kuwekwa ICU, madaktari walishauri wapewe maziwa ya mama. Ilibidi mkataba ufanyiwe marekebisho ya haraka ili kuruhusu Lorna kutoa maziwa yake kwa ajili ya watoto hao kwa miezi kadhaa.&nbsp;Baada ya kuwakabidhi watoto hao watatu salama kwa wazazi wao, Lorna ameweka wazi kuwa uzoefu huo haukumkatisha tamaa. Badala yake, yuko tayari na ana nia ya kufanya mchakato huo tena kwa ajili ya familia nyingine inayohitaji msaada, akiamini kuwa hii ni huduma muhimu na kazi halali inayobadili maisha ya watu.&nbsp;Kisa cha Lorna kimekuwa chachu ya mabadiliko, kikiwemo kichocheo cha miswada mbalimbali ya sheria bungeni nchini Kenya inayolenga kulinda haki za akina mama wabeba ujauzito, wazazi walengwa, na watoto wanaozaliwa kupitia njia hii.&nbsp;

SIMULIZI YA LORNA: Mkenya anayebebea  watu wengine ujauzito 

<img src="https://images-pmtv.nyc3.digitaloceanspaces.com/images/v1/5e8f40ae-63e1-4413-890f-754cb4be3bba.jpg">&nbsp;Tafiti za hivi karibuni zinaonyesha kuwa wanaume wanaokimbia kwa umbali mrefu kila siku wanaweza kuwa na viwango vya chini vya homoni ya testosterone ikilinganishwa na wale wasiofanya mazoezi kupita kiasi. Ripoti nyingi zinataja upungufu wa takribani asilimia 41, hasa kwa wakimbiaji wa mbio za uvumilivu wanaofanya mazoezi makali bila muda wa kutosha wa kupumzika. Hali hii imekuwa ikichunguzwa tangu mwanzoni mwa miaka ya 2000, ambapo wataalamu wa homoni za michezo walilibua kinachojulikana kama Exercise Hypogonadal Male Condition, ambapo chini ya msongo wa mawazo, mwili hubadilika kwa kuhifadhi nishati, hivyo kupunguza uzalishaji wa testosterone ili kuzingatia uhai na uvumilivu badala ya ukuaji wa misuli au uzazi. Utafiti uliochapishwa kati ya 2010 na 2023 unaonyesha athari hii hujitokeza zaidi kwa wanaume wanaokimbia umbali mrefu kila wiki bila mapumziko ya kutosha au ulaji wa kalori unaolingana na mazoezi. Watafiti wanasema hali hii si sawa na upungufu wa kitabibu wa testosterone, na viwango mara nyingi hurudi kawaida pale mzigo wa mazoezi unapopunguzwa au urejeshaji unapoboreshwa. Matokeo haya hayamaanishi kuwa kukimbia ni hatari, bali yanaonyesha namna mwili unavyojibu kwa busara msongo wa kudumu, hata pale msongo huo unatokana na shughuli zinazochukuliwa kuwa na manufaa kiafya. Wataalamu wanabainisha kuwa wakati mwingine afya ya juu ya mwili na viwango vya juu vya homoni havifuatilii lengo moja. Source: 𝑱𝒐𝒖𝒓𝒏𝒂𝒍 𝒐𝒇 𝑪𝒍𝒊𝒏𝒊𝒄𝒂𝒍 𝑬𝒏𝒅𝒐𝒄𝒓𝒊𝒏𝒐𝒍𝒐𝒈𝒚 𝒂𝒏𝒅 𝑴𝒆𝒕𝒂𝒃𝒐𝒍𝒊𝒔𝒎, 𝑩𝒓𝒊𝒕𝒊𝒔𝒉 𝑱𝒐𝒖𝒓𝒏𝒂𝒍 𝒐𝒇 𝑺𝒑𝒐𝒓𝒕𝒔 𝑴𝒆𝒅𝒊𝒄𝒊𝒏𝒆

Utafiti: Kukimbia kila siku kunapunguza homoni za kiume

<img src="https://images-pmtv.nyc3.digitaloceanspaces.com/images/v1/679bd2cd-e114-4770-9d13-aecef2f1e2af.jpg">&nbsp;Kinda wa kimataifa wa Afrika Kusini, Relebohile Mofokeng, amezitibua akili za vigogo wa soka barani Ulaya kufuatia kiwango chake safi uwanjani. Mwandishi wa habari za usajili, Ekrem Konur, ameripoti kuwa klabu za Atletico Madrid, Napoli, Chelsea, na Brighton &amp; Hove Albion zinamfuatilia kwa karibu mshambuliaji huyo anayekipiga kwa sasa nchini Ubelgiji. Mofokeng, mwenye umri wa miaka 21 na ambaye kwa sasa anachezea klabu ya Royale Union Saint-Gilloise, amekuwa lulu sokoni kutokana na kasi na uwezo wake mkubwa wa kutengeneza mabao. Wachambuzi wa soka wanaona kuwa dili la mchezaji huyo kuelekea moja ya ligi kuu tano za Ulaya liko karibu kutokana na vita hiyo ya vigogo.

Timu kubwa za Ulaya zamuwinda Mafoeng'

<img src="https://images-pmtv.nyc3.digitaloceanspaces.com/images/v1/7e94ea4e-624e-42a5-a8a0-6ddb8965d483.jpg">&nbsp;Nyota Cristiano Ronaldo ameonyesha kuwa amependezwa (kwa kubofya 'like') chapisho la Instagram ambamo mchezaji wa kimataifa wa Brazil Felipe Melo anawakosoa wachezaji wa Ureno. “Hawamchukulii Ronaldo vile ambavyo wachezaji wa Argentina humchukulia Messi. Hakuna hata mmoja wao anayeweza kulinganishwa na Cristiano,” Melo aliambia <a href="https://www.instagram.com/sportv/">@sportv</a>.

Ronaldo a-like video ya Filipe Melo akiwaponda wachezaji wa Ureno

<img src="https://images-pmtv.nyc3.digitaloceanspaces.com/images/v1/95224fd7-4575-45c3-8632-52f08c72a318.jpg">&nbsp;Baada ya kupata mafankio kwenye nchi mbalimbali kama Tanzania na Morocco, aliyekuwa kocha wa klabu ya Simba Pablo Franco Matrin amejiunga na timu ya Esperanse Sportive De Tunis ya nchini Tunisia akitokea MAS FEZ ya Morocco. Kocha huyo aliyeisaidia Mas FEZ kuwa Mabingwa wa Morocco msimu uliopita wa ligi kuu soka nchini Morocco amejiunga na ES Tunis kwaajili ya kuirudisha timu hiyo kwenye ramani ya timu tishio barani Afrika kama ilivyo kawaida yao.

Hii ndiyo sura ya binadamu wa kwanza

Sisti Herman

October 1, 2026

Huna mpenzi? Jipigie makofi, wewe una furaha zaidi - Utafiti

Eric Buyanza

September 11, 2026

SIMULIZI YA LORNA: Mkenya anayebebea watu wengine ujauzito

Eric Buyanza

September 8, 2026

Utafiti: Kukimbia kila siku kunapunguza homoni za kiume

Sisti Herman

September 6, 2026

Leagues standings